«Yuventus» yarim himoyachisi Leandro Paredes A Seriya doirasida «Lechche»ga qarshi o‘yinda urgan goli haqida fikr bildirdi.
Uchrashuv «keksa sinyora»ning 2:1 hisobidagi g‘alabasi bilan yakunlandi.
«Ko‘pdan beri gol urmagandim, shuning uchun xursandman. Lekin, eng muhimi, jamoa uch ochkoni qo‘lga kiritgani bo‘ldi.
Biz ishlashda davom etishimiz kerak. Biz g‘alabadan xursandmiz va o‘z maqsadimiz sari olg‘a borishda davom etamiz», – dedi argentinalik yarim himoyachi.
28 yoshli argentinalik futbolchi joriy mavsum Italiyada 21 ta o‘yinda maydonga tushib, bitta gol urdi, 5 ta sariq kartochka oldi va bir marta maydondan chetlatildi.
