«Ювентус» ярим ҳимоячиси Леандро Паредес А Серия доирасида «Лечче»га қарши ўйинда урган голи ҳақида фикр билдирди.
Учрашув «кекса синёра»нинг 2:1 ҳисобидаги ғалабаси билан якунланди.
«Кўпдан бери гол урмагандим, шунинг учун хурсандман. Лекин, энг муҳими, жамоа уч очкони қўлга киритгани бўлди.
Биз ишлашда давом этишимиз керак. Биз ғалабадан хурсандмиз ва ўз мақсадимиз сари олға боришда давом этамиз», – деди аргентиналик ярим ҳимоячи.
28 ёшли аргентиналик футболчи жорий мавсум Италияда 21 та ўйинда майдонга тушиб, битта гол урди, 5 та сариқ карточка олди ва бир марта майдондан четлатилди.
