«Barselona» sport direktori Yordi Kroyff yaqin orada jamoani tark etishi mumkin. Bu haqda Marca gazetasi jurnalistlari xabar bermoqda.
Shu bilan birga, manba ta’kidlaganidek, «ko‘k-anorranglilar» funksioner bilan xayrlashishni istamaydi va unga yangi mehnat shartnomasini taklif qilishga tayyor. Kroyff kelajagi borasida yakuniy qaror qabul qilish arafasida turibdi.
La Liganing 33-turidan so‘ng «Barselona» 82 ochko jamg‘arib, turnir jadvalida birinchi o‘rinda bormoqda, jamoa ikkinchi o‘rindagi «Atletiko Madrid»ni 13 ochkoga ortda qoldirgan.
Xavi Ernandes shogirdlari navbatdagi bahsda «Espanyol»ga qarshi bahs olib borishadi.
