Aleksey Miranchuk 2022/23 yilgi mavsum yakunida «Atalanta»ga qaytadi. 

26 yoshli yarim himoyachi Turin klubida 2022 yilning yozidan buyon ijara asosida o‘ynamoqda. Miranchuk «Torino» tarkibida 27 ta o‘yin o‘tkazib, to‘rtta gol urdi va oltita golli uzatmani amalga oshirdi. Futbolchi 2023 yilning 30 iyunida klubni tark etadi.

Oldinroq yarim himoyachining agenti Vadim Shpinev «Atalanta» va «Torino» futbolchini sotib olish bo‘yicha muzokaralarni boshlamagani haqida ma’lum qilgandi.

«Atalanta» bilan amaldagi shartnoma 2024 yilning yoziga qadar mo‘ljallangan.

33-turdan keyin «Torino» 45 ochko bilan turnir jadvalida 11-o‘rinda bormoqda. «Atalanta» 58 ochko bilan Chempionlar ligasi uchun kurashmoqda.