Алексей Миранчук 2022/23 йилги мавсум якунида «Аталанта»га қайтади.
26 ёшли ярим ҳимоячи Турин клубида 2022 йилнинг ёзидан буён ижара асосида ўйнамоқда. Миранчук «Торино» таркибида 27 та ўйин ўтказиб, тўртта гол урди ва олтита голли узатмани амалга оширди. Футболчи 2023 йилнинг 30 июнида клубни тарк этади.
Олдинроқ ярим ҳимоячининг агенти Вадим Шпинев «Аталанта» ва «Торино» футболчини сотиб олиш бўйича музокараларни бошламагани ҳақида маълум қилганди.
«Аталанта» билан амалдаги шартнома 2024 йилнинг ёзига қадар мўлжалланган.
33-турдан кейин «Торино» 45 очко билан турнир жадвалида 11-ўринда бормоқда. «Аталанта» 58 очко билан Чемпионлар лигаси учун курашмоқда.
