«PSJ»ning braziliyalik hujumchisi Neymar faoliyatini «Manchester Yunayted»da davom ettirishi mumkin.

The Sun nashrining ta’kidlashicha, fransuz klubi Neymar bo‘yicha yozda keladigan barcha takliflarni ko‘rib chiqishga tayyor.

«Qizil iblislar»ning potensial egalaridan biri shaxsan 31 yoshli braziliyalikni «Manchester Yunayted»da ko‘rishni istamoqda. Manbaga ko‘ra, futbolchining o‘zi Angliya premyer-ligasi klubiga o‘tishga qarshi emas.

Avvalroq, Neymarni Angliyaning boshqa grandlari, xususan, «Manchester Siti» va «Chelsi» ham kuzatib borayotgani haqida xabar berilgandi.

Hujumchi joriy mavsumda barcha musobaqalarda 29 ta o‘yinda maydonga tushib, 18 ta gol urdi va 17 ta golli uzatmani amalga oshirdi.