«ПСЖ»нинг бразилиялик ҳужумчиси Неймар фаолиятини «Манчестер Юнайтед»да давом эттириши мумкин.
The Sun нашрининг таъкидлашича, француз клуби Неймар бўйича ёзда келадиган барча таклифларни кўриб чиқишга тайёр.
«Қизил иблислар»нинг потенциал эгаларидан бири шахсан 31 ёшли бразилияликни «Манчестер Юнайтед»да кўришни истамоқда. Манбага кўра, футболчининг ўзи Англия премьер-лигаси клубига ўтишга қарши эмас.
Аввалроқ, Неймарни Англиянинг бошқа грандлари, хусусан, «Манчестер Сити» ва «Челси» ҳам кузатиб бораётгани ҳақида хабар берилганди.
Ҳужумчи жорий мавсумда барча мусобақаларда 29 та ўйинда майдонга тушиб, 18 та гол урди ва 17 та голли узатмани амалга оширди.
