Italiya chempionati doirasidagi safarda “Napoli” jamoasi “Udineze” bilan uchrashdi. Uchrashuv 1:1 hisobida durang bilan yakunlandi. Bu natija neapolliklarga A Seriya yakunlanishiga besh tur qolganda muddatidan oldin Skudettoni qo‘lga kiritish imkonini berdi.
"Napoli"ning gruziyalik yarim himoyachisi Xvicha Kvarasxeliya jamoasining muvaffaqiyatiga emosional munosabat bildirdi. Kiyinish xonasida futbolchi ko‘z yoshlarini tiya olmadi.
Eslatib o‘tamiz, Xvicha 2022 yilning yozida "Napoli"ga o‘tgan edi. Tomonlar o‘rtasidagi shartnoma muddati 2027 yilning o‘rtalarigacha mo‘ljallangan. Uning transfer narxi 85 million yevroga baholanmoqda.
Joriy mavsumda Kvarasxeliya 38 ta o‘yin o‘tkazib, 14 ta gol va 16 ta golli uzatmani amalga oshirdi.
