Италия чемпионати доирасидаги сафарда “Наполи” жамоаси “Удинезе” билан учрашди. Учрашув 1:1 ҳисобида дуранг билан якунланди. Бу натижа неаполликларга А Серия якунланишига беш тур қолганда муддатидан олдин Скудеттони қўлга киритиш имконини берди.
"Наполи"нинг грузиялик ярим ҳимоячиси Хвича Кварацхелия жамоасининг муваффақиятига эмоционал муносабат билдирди. Кийиниш хонасида футболчи кўз ёшларини тия олмади.
Эслатиб ўтамиз, Хвича 2022 йилнинг ёзида "Наполи"га ўтган эди. Томонлар ўртасидаги шартнома муддати 2027 йилнинг ўрталаригача мўлжалланган. Унинг трансфер нархи 85 миллион еврога баҳоланмоқда.
Жорий мавсумда Кварацхелия 38 та ўйин ўтказиб, 14 та гол ва 16 та голли узатмани амалга оширди.
