"Manchester Yunayted" hujumchi Markus Reshford bilan yangi shartnoma borasida faol muzokaralar olib bormoqda. Bu haqda Goal.com portali sahifalarida xabar berildi.

Manbaning qayd etishicha, tomonlar yangi bitim bo‘yicha muzokaralarda oldinga siljishgan. Markus "qizil iblislar" bilan haftasiga 375 ming funt sterling evaziga yangi uzoq muddatli shartnoma imzolashi kutilmoqda. U darvozabon David de Xea bilan birga jamoaning eng ko‘p maosh oluvchi futbolchisiga aylanadi.

25 yoshli hujumchi joriy mavsumda Angliya Premyer-ligasida 32 ta o‘yinda maydonga tushib, 16 ta gol urdi va 5 ta golli uzatmani amalga oshirdi.