"Манчестер Юнайтед" ҳужумчи Маркус Рэшфорд билан янги шартнома борасида фаол музокаралар олиб бормоқда. Бу ҳақда Goal.com портали саҳифаларида хабар берилди.
Манбанинг қайд этишича, томонлар янги битим бўйича музокараларда олдинга силжишган. Маркус "қизил иблислар" билан ҳафтасига 375 минг фунт стерлинг эвазига янги узоқ муддатли шартнома имзолаши кутилмоқда. У дарвозабон Давид де Хеа билан бирга жамоанинг энг кўп маош олувчи футболчисига айланади.
25 ёшли ҳужумчи жорий мавсумда Англия Премьер-лигасида 32 та ўйинда майдонга тушиб, 16 та гол урди ва 5 та голли узатмани амалга оширди.
