«ПСЖ» клуби ва Марокаш миллий терма жамоаси юлдуз қанот ҳимоячиси Ашраф Ҳакимий зўрлаш айблови билан суд қаршисида жавоб берадиган бўлди. Бу ҳақда RMC Sport нашри хабар бермоқда.
Журналистларнинг берган маълумотларига кўра, марокашлик футболчининг томони суд қарори юзасидан апелляция берган эди, бироқ у рад этилди. Шундан сўнг Ҳакимийнинг иши жиноий ишлар бўйича судга оширилди ва у ерда қайта кўриб чиқилади.
Эътиборли жиҳати шундаки, мазкур суд мажлисига Мадриднинг «Реал» клуби ва Франция терма жамоаси ҳужумчиси Килиан Мбаппе ҳам гувоҳ сифатида чақирилади.
Эслатиб ўтамиз, бундан уч йил аввал Ашраф Ҳакимийга нисбатан бир қизни зўрлаганлик айблови қўйилган эди.
Айни пайтда Ҳакимий Марокаш терма жамоаси сафида ЖЧ-2026 мусобақасида иштирок этмоқда.
