Мадриднинг «Реал» клуби ярим ҳимоячиси Эдуардо Камавинга «Пари Сен-Жермен»нинг потенциал трансфер мақсадига айланди.
Transfer News Live нашрининг Diario AS'га таяниб хабар беришича, Франция гранди 23 ёшли футболчи борасида норасмий сўров билан чиққан. Хавбекнинг ўзи эса ҳали ҳам «қаймоқранглилар» сафини тарк этишни истамаяпти ва «ПСЖ»нинг қизиқишига қарамай, ўз фикрини ўзгартириши қийин.
Бундан олдин Эдуардо Камавингага даъвогарлар қаторида Миланнинг «Интер» клуби ҳам тилга олинган эди. Transfermarkt баҳолашига кўра, франциялик футболчининг бозор қиймати 50 миллион еврони ташкил этади. Унинг «Реал» билан амалдаги меҳнат шартномаси 2029 йилнинг ўрталарига қадар мўлжалланган.
