"Real Madrid" bosh murabbiyi Karlo Anchelotti kelasi mavsumda "Qirollik klubi"da qolish-qolmasligini hozircha bilmaydi. Shu bilan birga, italiyalik mutaxassisning jamoa bilan shartnomasi kelasi mavsum oxirida yakuniga yetadi.
Jurnalist Anton Meananing so‘zlariga ko‘ra, Anchelotti hali rahbariyatdan kelasi mavsumda faoliyatini davom ettirishi haqidagi tasdiqni olmagan. "Real Madrid" ustozi kelajak haqida qaror qabul qilishdan oldin joriy mavsum natijalarini baholamoqchi.
Eslatib o‘tamiz, Anchelottida Braziliya terma jamoasidan taklif bor, biroq italiyalik mutaxassisi avvalroq "Real" bilan shartnomasini oxirigacha ishlash niyatida ekanligini ma’lum qilgandi.
