Superliganing 9-tur uchrashuvida "Neftchi" Toshkentdagi "Paxtakor" stadionida "Surxon" jamoasining mehmoni bo‘ldi. Bu uchrashuv durang bilan yakunlandi - 2:2.
Farg‘onaliklar birinchi bo‘limda raqib darvozasiga birinchi bo‘lib gol kiritdi. Golga Toma Tabatadze mualliflik qildi. Shu bo‘limning qo‘shib berilgan daqiqalarida termizliklar hisobni tenglashtirishga erishdilar.
Ikkinchi bo‘limda "Surxon" darvozasiga belgilangan 11 metrli jarima to‘pini darvozaga yo‘llab, dubl qayd etgan Toma Tabatadze "Neftchi"ni yana oldinga chiqib olishiga yordam berdi. Lekin, farg‘onalik himoyachilar xushyorlikni bo‘shashtirib yubordilar va qo‘pol hatoga yo‘l qo‘ydilar. Bundan unumli foydalangan raqiblar "Neftchi" darvozasiga ikkinchi golni kiritib, hisobni tenglashtirdi.
Superliga 9-tur
"Surxon" - "Neftchi"
7 may 2023 yil. Toshkent, "Jar" stadion. 19:00
Bosh hakam: Abdurashid Xudoyberganov.
Yordamchi hakamlar: Rasuljon Fozilov, Maksim Nexochin.
Zaxira hakami: Doston Rahmonov.
VAR: Asker Najafaliyev.
AVAR: Baxtiyorxo‘ja Shavkatov.
Nazoratchi: Marat Ismailov.
Komissar: Sardor Qudratullayev.
Gollar: Toma Tabatadze, 17'(0:1), Asilbek Jumayev, 45+2(1:1), Toma Tabatadze, 53'pen.(1:2), Silvanus Nimeli, 78'(2:2)
Ogohlantirish: Bobir Asqarov, 37'
"Surxon": 1. Artyom Potapov (s), 2. Bobirjon Asqarov, 3. Sunnatulloh Hamidjonov, 7. Dostonbek Tursunov, 8. Humoyun Sherbo‘tayev, 10. Tamirlan Jamalutdinov, 18. Silvanus Nimeli, 19. Nuriddin Hasanov, 27. Asilbek Jumayev, 55. Shoxjahon Sultonmurodov, 66. Bexruz Shaydulov
Zaxira: 13. Azizxon Isaqov, 4. Shamil Gasanov, 5. Azizbek Pirmuhammadov, 6. Artyom Sokal, 15. Diyor Ramozonov, 16. Artyom Filiposyan, 17. Jahongirbek Abdusalomov, 22. Javohir Jo‘rayev, 99. Komron Saydazimov.
"Neftchi": 45. Akbar To‘rayev, 2. Zoir Jo‘raboyev, 7. Umar Adhamzoda, 8. Nurillo To‘xtasinov, 9. Ulug‘bek Hoshimov, 19. Mirzohid G‘ofurov (s), 21. Muxsinjon Ubaydullayev, 22. Toma Tabatadze, 23. Diyorjon Turopov, 24. G‘ulom-Haydar G‘ulomov, 26. Oleksey Larin
Zaxira: 12. Vladimir Nazarov, 4. Andriy Mishenko, 5. Yuri Batyushin, 11. Izzatilla Abdullayev, 13. Lutfulla To‘rayev, 17. Abdulloh Olimov, 20. Anvarjon G‘ofurov, 28. Fozil Musayev, 70. Abbosjon G‘ulomov
