Artur Lionel Messi, Krishtianu Ronaldu va Neymarda qanday umumiy xususiyat borligini aytdi.

"Neymar, Ronaldu va Messi. Uchalasida ham umumiy narsa bor. Ularda g‘alaba qozonish ruhi bor. Mashg‘ulotmi, o‘rtoqlik o‘yinimi yoki final uchrashuvi bo‘ladimi, bu uchtasi har doim "o‘lish" uchun maydonga tushadi. Onasiga qarshi o‘ynasalar ham baribir. Ularning mentaliteti hayratlanarli.

Neymar mohir, u fint qiladi, dribling qiladi... Krishtianu qayerga bormasin gol uradi, chunki u aql bovar qilmaydigan qobiliyatga ega... Messi esa, Messi – o‘zga sayyoralik.

Menda uchchalasi bilan o‘ynash va ularni yaqindan ko‘rish imkoniga ega bo‘ldim. Ularning har birining o‘ziga xos xususiyatlari bor, ba’zilari ko‘proq dribling qilishadi yoki yaxshiroq tugatishadi, lekin men ularning mentalitetini afzal ko‘raman. Har uchalasi ham bu borada ajoyib", - deydi "Yuventus"dan ijaraga olingan "Liverpul" yarim himoyachisi.