"Vulverxempton" hujumchisi Diyego Kosta yangi shartnoma oladi va yana bir mavsum APLda qoladi.

Jamoa bosh murabbiyi Xulen Lopetegi rahbariyatdan hujumchi bilan shartnoma muddatni uzaytirishni so‘ragan. Xabar qilinishicha, Kosta ham klubda qolishga qaror qilgan.

Kosta "Vulverxempton"ning eng ko‘p maosh oladigan futbolchilaridan biri hisoblanadi.

34 yoshli Kosta joriy mavsumda "bo‘rilar" safida 22 ta o‘yinda maydonga tushib, 1 ta gol urishga muvaffaq bo‘ldi. Transfermarkt portaliga ko‘ra futbolchining narxi 3,5 million yevroga baholanmoqda.