«Oltin to‘p»ning uch karra sohibi Marko van Basten «PSJ» hujumchisi Lionel Messining Saudiya Arabistoniga o‘tishi mumkinligi haqida gapirdi.
«Mening fikrimga kelsak, Messi nima uchun Saudiya Arabistonida o‘ynashini tushunmayapman. Ko‘p pul topish uchunmi? Bu menga achinarli tuyuladi. Messi o‘zi yoqtirgan ish bilan shug‘ullanishi kerak, Messi o‘ziga o‘zi xo‘jayin bo‘lishi kerak», - dedi van Basten.
Avvalroq Saudiya Arabistoni rahbariyati mahalliy chempionatga ko‘proq yevropalik futbol yulduzlarini taklif etish niyatida ekani xabar qilingandi. Mish-mishlarga ko‘ra, Messi «Al-Hilol»da yiliga 300 million yevro ishlab oladi.
Eslatib o‘tamiz, Fransiya chempionatining 34-turidan so‘ng «PSJ» 78 ochko bilan turnir jadvalida birinchi o‘rinda bormoqda. Eng yaqin ta’qibchi «Lans» esa olti ochko ortda qolmoqda.
