«Олтин тўп»нинг уч карра соҳиби Марко ван Бастен «ПСЖ» ҳужумчиси Лионель Мессининг Саудия Арабистонига ўтиши мумкинлиги ҳақида гапирди.
«Менинг фикримга келсак, Месси нима учун Саудия Арабистонида ўйнашини тушунмаяпман. Кўп пул топиш учунми? Бу менга ачинарли туюлади. Месси ўзи ёқтирган иш билан шуғулланиши керак, Месси ўзига ўзи хўжайин бўлиши керак», - деди ван Бастен.
Аввалроқ Саудия Арабистони раҳбарияти маҳаллий чемпионатга кўпроқ европалик футбол юлдузларини таклиф этиш ниятида экани хабар қилинганди. Миш-мишларга кўра, Месси «Ал-Ҳилол»да йилига 300 миллион евро ишлаб олади.
Эслатиб ўтамиз, Франция чемпионатининг 34-туридан сўнг «ПСЖ» 78 очко билан турнир жадвалида биринчи ўринда бормоқда. Энг яқин таъқибчи «Ланс» эса олти очко ортда қолмоқда.
