«Vilyarreal» keyingi yozda markaziy himoyachisi Pau Torres bilan xayrlashishga tayyor.
Tuttomercato xabariga ko‘ra, «sariq suv osti kemasi» ispaniyalik uchun 30 million yevro talab qiladi.
26 yoshli Torresning «Vilyarreal» bilan shartnomasi tugashiga bir yildan sal ko‘proq vaqt qoldi. Shu bois rahbariyat futbolchini arzonlashtirilgan narxda qo‘yib yuborishga tayyor.
Pau xizmatlariga Unai Emeri ustozlik qilayotgan «Aston Villa» qiziqmoqda.
Eslatib o‘tamiz, Torres avvalroq «Real» va «Manchester Yunayted» qiziqishlari doirasida bo‘lgan, ammo so‘nggi paytlarda bu klublar futbolchini kuzatishni to‘xtatgan.
