«Вильярреал» кейинги ёзда марказий ҳимоячиси Пау Торрес билан хайрлашишга тайёр.

Tuttomercato хабарига кўра, «сариқ сув ости кемаси» испаниялик учун 30 миллион евро талаб қилади.

26 ёшли Торреснинг «Вильярреал» билан шартномаси тугашига бир йилдан сал кўпроқ вақт қолди. Шу боис раҳбарият футболчини арзонлаштирилган нархда қўйиб юборишга тайёр.

Пау хизматларига Унаи Эмери устозлик қилаётган «Астон Вилла» қизиқмоқда.

Эслатиб ўтамиз, Торрес аввалроқ «Реал» ва «Манчестер Юнайтед» қизиқишлари доирасида бўлган, аммо сўнгги пайтларда бу клублар футболчини кузатишни тўхтатган.