"Arsenal" darvozaboni Aaron Remsdeyl o‘z klubi bilan yangi uzoq muddatli shartnoma imzolashga yaqin turibdi. ESPN xabariga ko‘ra, ingliz futbolchisi "kanonirlar" bilan barcha kerakli shartlarni kelishib olgan.
"Arsenal" yaqin orada o‘z darvozaboni bilan yangi shartnoma imzolaganini rasman e’lon qilishi kutilmoqda. Remsdeyl 2021 yilning yozida "Sheffild Yunayted"dan ko‘chib o‘tganidan keyin "kanonirlar" uchun ikkinchi mavsumini o‘tkazmoqda.
Remsdeyl joriy mavsumda Premyer-ligada 35 ta o‘yinda maydonga tushdi va shulardan 13 tasida darvozasi dahlsizligini saqlab qoldi.
