Jud Bellingem Dortmundning «Borussiya»sidan «Real»ga o‘tishga yaqin, shuning uchun «Manchester Siti» o‘rta chiziqni mustahkamlash uchun boshqa nomzodga o‘tdi.

Football Insider nashrining o‘z manbalariga tayanib xabar berishicha, «shaharliklar» «Chelsi»dan Mateo Kovachichni sotib olmoqchi. Qayd etilishicha, Xosep Gvardiola 29 yoshli xorvatni juda yoqtiradi.

Mateo Kovachichning «Chelsi» bilan amaldagi shartnomasi 2023/2024 yilgi mavsum oxirigacha amal qiladi, ya’ni keyingi yozda hamyonbop narxda futbolchini olish mumkin bo‘ladi. Kovachich 40 million yevroga baholanmoqda.