90min xabariga ko‘ra, "Brayton" keyingi yozda yarim himoyachi Moyses Kaysedo bo‘yicha takliflarni ko‘rib chiqishga tayyor.

Manbaga ko‘ra, "Brayton" joriy mavsum yakunida 21 yoshli ekvadorlik futbolchini sotishdan maksimal miqdorda daromad olishlariga ishonmoqda.

Kaysedoning ingliz klubi bilan amaldagi shartnomasi 2027 yilning yoziga qadar tuzilgan. Transfermarkt Ekvador terma jamoasi futbolchisini 55 million yevroga baholamoqda.

Yarim himoyachi joriy mavsum “chag‘alaylar” safida 38 ta o‘yinda maydonga tushib, 1 ta gol urdi va bitta golli uzatmani amalga oshirdi. APLning 33-turidan keyin “Brayton” 55 ochko bilan turnir jadvalida 7-o‘rinda bormoqda.