"Real Madrid" futbolchisi Marko Asensio APL klubi qiziqishlari doirasida. Unai Emeri Markoni "Aston Villa"da ko‘rmoqchi. "Aston Villa" futbolchi uchun yiliga 8 mln yevro maosh taklif qilish mumkin. Bu Asensio "Real"da topayotgan puldan ikki barobarga ko‘pdir.

Marko Asensioning o‘zi esa "Real Madrid" bilan yangi shartnoma imzolash umidida. Futbolchining klub bilan amaldagi shartnomasi 2023 yilning yoziga qadar davom etadi. "Real"ning Asensioga jo‘natgan birinchi taklifi futbolchi va uning agenti tomonidan rad etildi. Muzokaralar esa rivojlanishda davom etmoqda.

Asensioning oldida "Milan" varianti ham bor. "Milan" ham futbolchiga qiziqish bildirmoqda. Lekin, moliyaviy jihatdan "Aston Villa" beradigan taklif har taraflama yaxshiroq bo‘ladi.

Ma’lumot uchun, Asensio ushbu mavsum La Liganing 27 ta o‘yinida maydonga tushib, sakkizta gol va oltita assist qayd etdi.