"Tottenxem" darvozaboni Ugo Lyoris faoliyatini Saudiya Arabistonida davom ettirishi mumkin. GOAL xabariga ko‘ra, 36 yoshli fransiyalik futbolchi nomi oshkor etilmagan klubdan taklif olgan.
Fransiya terma jamoasi sobiq darvozabonining “shporlar” bilan amaldagi shartnomasi 2024 yilning yoziga qadar tuzilgan.
Lyoris joriy mavsumda barcha turnirlarda 31 ta o‘yinda maydonga tushib, 45 ta gol o‘tkazib yubordi. To‘qqiz marta u o‘z darvozasi daxlsizligini saqlab qoldi.













