“Inter” yarim himoyachisi Genrix Mxitaryan “Milan”ga qarshi (2:0) Yevropa Chempionlar Ligasi yarim finali birinchi o‘yinida eng yaxshi futbolchi deb topildi. Biroq u uchrashuvning 62-daqiqasidayoq almashtirildi.
"U nafaqat gol urdi, balki yarim himoyada ham shafqatsiz edi. U Chalxano‘g‘li bilan himoyada va pressingda ajoyib tarzda o‘zgardi. Uning uzatmalari nihoyatda aniq edi va o‘yinni o‘qishi a’lo darajada edi”, — dedi UEFA texnik kuzatuvchilar jamoasi.
Javob o‘yini bir haftadan so‘ng, 16 may kuni "Juzeppe Meassa" stadionida bo‘lib o‘tadi.
