"Inter" himoyachisi Alessandro Bastoni Chempionlar ligasi yarim finali birinchi o‘yinida "Milan" ustidan qozonilgan g‘alaba (2:0) haqida fikr bildirdi.
“Biz xursandmiz, chunki bu o‘yin muhimligini tushunardik, ammo muvozanatni saqlash muhim. Olti kundan keyin yana bir xil qiyin jang bo‘ladi.
Shu tariqa o‘yinga tayyorgarlik ko‘rdik. Biz ularning o‘yin uslubini bilardik, ammo texnika va taktikadan tashqari, maydonda katta iroda ko‘rsatish muhim edi. Bu derbi edi, lekin eng muhimi, bu Chempionlar ligasining yarim finali edi, unda har yili o‘ynamaysiz. Biz yaxshi boshlashni xohladik va buni uddaladik" - dedi Bastone Inter TV bilan suhbatda.
Javob o‘yini 16 may kuni bo‘lib o‘tadi.
