La Liga prezidenti Xavyer Tebas joriy mavsum yakunida "Barselona"ni tark etadigan Serxio Buskets haqida o‘z fikrlari bilan o‘rtoqlashdi.
"Busketsning "Barsa"dan ketishi Messining qaytishi yo‘lining boshlanishi. Lekin oxirigacha erishish uchun ular hali ko‘p narsalarni boshdan kechirishlari kerak. Men ularga yashil chiroq yoqmayman, bu iqtisodiy nazorat bo‘ladi”, — deya Tebasning so‘zlaridan iqtibos keltiradi jurnalist Fabrisio Romano.
Buskets 2008 yildan beri "Barselona"da o‘ynab kelmoqda. Futbolchi shartnomasi yakunlangach klubni tark etadi. 34 yoshli ispaniyalik futbolchi joriy mavsumda La Liganing 27 ta o‘yinida maydonga tushib, 4 ta gol urishga erishdi.
