Daniyalik futbolchi Kristian Eriksen «Laureus Sports Awards - yilning eng yaxshi kambeki» sovrinini qo‘lga kiritdi.
2021 yilning iyun oyida Yevro-2020da fojea yuz berishiga sal qoldi: Kristian Eriksen Daniya – Finlyandiya o‘yini payti o‘limga yaqin qoldi, uning yuragi to‘xtab qoldi. Shifokorlar maydonda uzoq vaqt yordam ko‘rsatishdi, uchrashuv to‘xtatildi. Tibbiy yordam ko‘rsatilgandan so‘ng, Kristian, xayriyatki, hamma uchun normal holatiga qaytdi.
Ammo 29 yoshli daniyalikning faoliyati katta xavf ostida edi. Shifokorlar uning yurak tezligini nazorat qilish uchun yurak stimulyatori o‘rnatdilar, biroq Italiya A Seriyasi qoidalariga ko‘ra, u ushbu moslama bilan o‘ynay olmasdi. Shu sababli daniyalik «Inter» bilan shartnomani bekor qildi va 2022 yilning qishida «Brentford»ga, olti oydan keyin esa «Manchester Yunayted»ga o‘tdi.
8 may kuni u «Yilning kambeki» uchun Laureus Sports Awards mukofotini qo‘lga kiritdi. Kristian doimiy ravishda «Manchester Yunayted» bazasida o‘ynaydi, biroq ikki yil oldin uning futbolni tark etishi bashorat qilingan edi. Marosim davomida jurnalistlar Eriksendan intervyu olishdi va undan yuqori darajaga qanday qaytganini so‘rashdi.
«Shaxsan men o‘rgangan narsa shuki, siz maydonda bo‘lishdan va va yuqori kayfiyatda futbol o‘ynashdan zavqlanishingiz kerak. Agar bu sizni xursand qilmasa, boshqa ishni qiling.
Men uchun eng muhimi qaytib kelib, inson bo‘lib qolish edi. Mening birinchi maqsadim o‘z vaqtida qaytish va to‘laqonli ota bo‘lish edi. Men uchun bu eng muhimi.
Voqea sodir bo‘lgan kunning ertasiga nima bo‘lganiga qaradim, bunda barcha his-tuyg‘ularni boshdan kechirdim va o‘zimni kelajakka tayyorladim. Ammo bu oson emas. A Seriyada ko‘plab qoidalar borligini bilardim. Va «Inter» bilan shartnomam to‘xtatilganida, men nihoyat javob oldimki: qayta o‘ynay olaman, lekin boshqa joyda. Shunday qilib, men «Inter»dagi faoliyatimni yakunlandim, bu yagona to‘g‘ri variant edi.
«Brentford»ni tark etish ham qiyin bo‘ldi. Men u yerda juda yaxshi vaqt o‘tkazdim va menga o‘z jamoasidan imkoniyat bergani uchun Tomas Frankdan doimo minnatdorman. Ammo shu bilan birga, men dastlab murabbiyga qiziqarli taklif paydo bo‘lsa, ketishimni aytdim. Baxtimga, «Yunayted» keldi va bu taklif haqiqatan ijobiy bo‘ldi.
Ha, omadim bor», - dedi Eriksen.
