«Inter» ajoyib o‘yin ko‘rsatmoqda, ular Italiya chempionatida ketma-ket beshta o‘yinda g‘alaba qozonishdi, bundan tashqari, jamoa Chempionlar ligasi finaliga munosib qadam tashladi.
Klubning sobiq darvozaboni Valter Dzenga jamoa muvaffaqiyati haqida fikr bildirdi.
«Darmian Shkrinyarni qanday qilib butunlay almashtirganidan hayratdaman. Shuningdek, Mxitaryanning maydon markazidagi o‘rni juda muhim, bu ikki o‘yinchi boshqalarga o‘z ishlarini bajarishga imkon beradi.
Shuningdek, Indzagining katta xizmati bor, u muntazam ravishda barcha o‘yinchilarga maydon tashqarisidan turib ko‘rsatma berdi va mavsumning hal qiluvchi pallasiga kelib, ular hammasi yuz foiz tayyor bo‘lishadi», - dedi faxriy.
