«Интер» ажойиб ўйин кўрсатмоқда, улар Италия чемпионатида кетма-кет бешта ўйинда ғалаба қозонишди, бундан ташқари, жамоа Чемпионлар лигаси финалига муносиб қадам ташлади.
Клубнинг собиқ дарвозабони Вальтер Дзенга жамоа муваффақияти ҳақида фикр билдирди.
«Дармиан Шкриньярни қандай қилиб бутунлай алмаштирганидан ҳайратдаман. Шунингдек, Мхитаряннинг майдон марказидаги ўрни жуда муҳим, бу икки ўйинчи бошқаларга ўз ишларини бажаришга имкон беради.
Шунингдек, Индзагининг катта хизмати бор, у мунтазам равишда барча ўйинчиларга майдон ташқарисидан туриб кўрсатма берди ва мавсумнинг ҳал қилувчи палласига келиб, улар ҳаммаси юз фоиз тайёр бўлишади», - деди фахрий.
