«Fulxem» «Sautgempton»ni mag‘lub etdi. «Fulxem»ning portugaliyalik ustozi Marko Silva o‘z klubining muvaffaqiyati haqida fikr bildirdi va muxlislarga minnatdorchiligini aytdi.
«Futbolchilarga ham, muxlislarga ham rahmat aytmoqchiman. Bunday qo‘llab-quvvatlash juda yaxshi samara beradi.
Biz nafaqat uch ochkoni qo‘lga kiritganimiz, balki gol o‘tkazib yubormaganimiz ham ma’qul bo‘ldi. Biz maydonning eng yaxshi jamoasi edik, bu o‘yin boshidayoq yaqqol ko‘rinib turardi», deya Marko Silvadan iqtibos keltiradi Sky Sports.
Chempionatning navbatdagi turida «Fulxem» o‘z maydonida «Kristal Pelas» bilan o‘ynaydi.
