«Barselona»ning sobiq bosh murabbiyi Ronald Kuman Lionel Messi, Serxi Buskets va Jordi Albaga yozda Saudiya Arabistoni yoki MLSga borishni maslahat berdi.

Messining kelajagi noaniqligicha qolmoqda, mish-mishlarga ko‘ra, u mavsum oxirida shartnomasi tugagach, «PSJ»ni tark etishga qaror qilgan. Leoning «Kamp Nou»ga qaytishi haqida mish-mishlar yuribdi, esda tutingki, u «Barselona»ni tark etishga majbur bo‘lgan, chunki klub u bilan yangi shartnoma imzolashga qurbi yetmagan. Biroq Kuman «Barselona» endilikda ham Lionel Messining qaytishini moliyaviy jihatdan ta’minlay olishiga shubha qilmoqda.

«Barselona» o‘z stadionini rekonstruksiya qilmoqchiligi, klub shunchalik katta qarz bilan ishlashda davom etayotgani meni hayratda qoldirdi. Futbolchilar oddiyroq shartnomalarni qabul qilishlari kerak, shuning uchun Messining qaytishini kutmayman», dedi Kuman ESPNga. Murabbiy Messiga Alba va Buskets bilan Saudiya Arabistoni yoki MLSga borish kerakligini aytdi. Serxi «Kamp Nou»da 15 yilni o‘tkazgandan so‘ng mavsum oxirida «Barselona» bilan xayrlashadi. Ayni paytda, Albaning klubdagi kelajagi noma’lum va u Saudiya Arabistoniga o‘tish imkoniyatini ko‘rib chiqayotgani xabar qilingan. «Messining qaytishi dargumon, Buskets ketadi, Jordi Albaning kelajagiga ishonchi komil emas, ularning uchchalasi juda yaqin do‘stlar. Ularning uchchalasi Mayamiga yoki Saudiya Arabistoniga ko‘chib o‘tishsa, men ajablanmayman», - deya qo‘shimcha qildi Kuman.