«Барселона»нинг собиқ бош мураббийи Рональд Куман Лионель Месси, Серхи Бускетс ва Жорди Альбага ёзда Саудия Арабистони ёки МЛСга боришни маслаҳат берди.

Мессининг келажаги ноаниқлигича қолмоқда, миш-мишларга кўра, у мавсум охирида шартномаси тугагач, «ПСЖ»ни тарк этишга қарор қилган. Леонинг «Камп Ноу»га қайтиши ҳақида миш-мишлар юрибди, эсда тутингки, у «Барселона»ни тарк этишга мажбур бўлган, чунки клуб у билан янги шартнома имзолашга қурби етмаган. Бироқ Куман «Барселона» эндиликда ҳам Лионель Мессининг қайтишини молиявий жиҳатдан таъминлай олишига шубҳа қилмоқда.

«Барселона» ўз стадионини реконструкция қилмоқчилиги, клуб шунчалик катта қарз билан ишлашда давом этаётгани мени ҳайратда қолдирди. Футболчилар оддийроқ шартномаларни қабул қилишлари керак, шунинг учун Мессининг қайтишини кутмайман», деди Куман ESPNга. Мураббий Мессига Альба ва Бускетс билан Саудия Арабистони ёки МЛСга бориш кераклигини айтди. Серхи «Камп Ноу»да 15 йилни ўтказгандан сўнг мавсум охирида «Барселона» билан хайрлашади. Айни пайтда, Альбанинг клубдаги келажаги номаълум ва у Саудия Арабистонига ўтиш имкониятини кўриб чиқаётгани хабар қилинган. «Мессининг қайтиши даргумон, Бускетс кетади, Жорди Альбанинг келажагига ишончи комил эмас, уларнинг уччаласи жуда яқин дўстлар. Уларнинг уччаласи Майамига ёки Саудия Арабистонига кўчиб ўтишса, мен ажабланмайман», - дея қўшимча қилди Куман.