«Milan» yarim himoyachisi Sandro Tonali Chempionlar ligasi yarimfinalining «Inter»ga qarshi javob o‘yini oldidan bo‘lib o‘tgan bugungi matbuot anjumanida ertangi bahs haqida gapirdi.
«Birinchi o‘yinda ko‘rsatgan natijamizni o‘zgartira olmaymiz. Ammo ikkinchi o‘yinda biz xohlagan narsaga erishish uchun birgalikda harakat qilishimiz kerak va bu o‘z qo‘limizda.
Biz hammamiz ertangi o‘yin muhimligini tushunamiz va ertaga «Milan» formasini kiygan har bir kishi maydonda nima qilishi kerakligini biladi», - deya Tonalining so‘zlarini keltiradi UYEFA matbuot xizmati.
Yarim final javob uchrashuvi doirasidagi «Inter» va «Milan» derbisi ertaga, 16 may kuni Milan derbisining doimiy arenasi – «San-Siro» stadionida bo‘lib o‘tadi.
