«Manchester Siti»ning 21 yoshli futbolchisi Teylor Xarvud-Bellis kelasi mavsumda Chempionlar ligasining ehtimoliy ishtirokchisi «Nyukasl Yunayted»ning e’tiborini tortdi. Bu haqda Football Insider nashri xabar bermoqda.
Manbaga ko‘ra, futbolchini ayni damda Premyer-ligada kamroq maqomga ega jamoalar - «Fulxem» va «Vest Xem» ham kuzatmoqda.
«Manchester Siti» esa shartnomasi kelasi mavsum oxirida tugaydigan futbolchining kelajagi borasida hali bir qarorga kelmagan.
Xarvud-Bellis joriy mavsumni Vensan Kompani boshchiligidagi «Byornli»da o‘tkazdi va jamoa bilan chempionlikni qo‘lga kiritdi.
U klub safida barcha musobaqalarda 35 ta o‘yinda maydonga tushib, bir marta gol urgan va ikki marta golli uzatma bergan.
Transfermarkt 21 yoshli futbolchini 15 million yevroga baholamoqda.