«Манчестер Сити»нинг 21 ёшли футболчиси Тэйлор Харвуд-Беллис келаси мавсумда Чемпионлар лигасининг эҳтимолий иштирокчиси «Ньюкасл Юнайтед»нинг эътиборини тортди. Бу ҳақда Football Insider нашри хабар бермоқда.
Манбага кўра, футболчини айни дамда Премьер-лигада камроқ мақомга эга жамоалар - «Фулхэм» ва «Вест Хэм» ҳам кузатмоқда.
«Манчестер Сити» эса шартномаси келаси мавсум охирида тугайдиган футболчининг келажаги борасида ҳали бир қарорга келмаган.
Харвуд-Беллис жорий мавсумни Венсан Компани бошчилигидаги «Бёрнли»да ўтказди ва жамоа билан чемпионликни қўлга киритди.
У клуб сафида барча мусобақаларда 35 та ўйинда майдонга тушиб, бир марта гол урган ва икки марта голли узатма берган.
Transfermarkt 21 ёшли футболчини 15 миллион еврога баҳоламоқда.
