"Barselona"ning sobiq yarim himoyachisi Aleksandr Gleb kataloniyaliklarning Ispaniya chempionatidagi g‘alabasi haqida fikr bildirdi.
"Xavi uchun juda xursandman. Shunchaki jamoani boshqardi va darhol chempion bo‘ldi. Xavi - daho! U buni futbol maydonida isbotladi, endi u katta murabbiylik yutuqlariga erishmoqda. Agar telefon raqami bo‘lsa, qo‘ng‘iroq qilardim yoki xabar yozardim. Biz 2008/2009 yilgi mavsumda "Barselona"da birga o‘ynaganimizda, ligada xet-trik qayd etgan edik. Biz La Liga, Ispaniya kubogi, keyin esa Chempionlar ligasida g‘alaba qozondik. O‘shanda "Barselona" sayyoradagi eng kuchli jamoa edi.
Menimcha, Xavi bu rekordni takrorlay oladi. O‘sha mavsumni yodga olish... Shahar deyarli chempionlikni nishonlagan, boshqa joyda bunday bayramni ko‘rmaganman. Borganimizda bizni aeroportda muxlislar kutib olishdi. Ular bizni qo‘llaridan ko‘tarib ketishga tayyor edilar, u yerga avtobussiz borish mumkin edi. Ishonchim komilki, keyingi mavsumda "Barselona" bitta chempionlik bilan cheklanib qolmaydi", - dedi Gleb.
