O‘zbekiston dzyudosi tarixida ilk bor kattalar o‘rtasidagi jahon chempionatining 4 ta medalini qo‘lga kiritgan terma jamoamiz yurtmizga qaytib keldi.
Dzyudochilarimizni Islom Karimov nomidagi Toshkent xalqaro aeroportida Yoshlar siyosati va sport vaziri o‘rinbosari Shahrillo Mahmudov boshchiligidagi mutasaddilar, Milliy Olimpiya qo‘mitasi va mamlakat dzyudo federasiyasi vakillari, sportchilarning oila a’zolari, ommaviy axborot vositalari xodimlari hamda keng sport jamoatchiligi qarshi oldi.
Shahrillo Mahmudov Qatardagi tarixiy natija bilan murabbiylar va dzyudochilarni qutlab, keyingi musobaqalarda ham g‘alabalar bardavom bo‘lishini tiladi.
Kumush medal sohiblari
-52 kg: Diyora Keldiyorova
-60 kg: Dilshodbek Baratov
Bronza medal sohiblari
-73 kg: Murodjon Yo‘ldoshev
+100 kg: Alisher Yusupov.
