Lissabonning "Sporting" klubi yarim himoyachisi Manuel Ugarte markaziy chiziqni kuchaytirish uchun "Liverpul"ning qisqa ro‘yxatiga kiritilmagan. The Athletic xabariga ko‘ra, mersisaydliklar urugvaylik yarim himoyachini yozda sotib olishga urinmaydi.
Manbaning ta’kidlashicha, "Liverpul"ning yarim himoyani kuchaytirish bo‘yicha transfer maqsadlari ro‘yxatida "Brayton"dan Aleksis Makallister, "Chelsi"dan Meyson Maunt, shuningdek, haligacha zaxira varianti sifatida qaralayotgan "Bavariya"dan Rayan Gravenberx kabi futbolchilar bor.
Eslatib o‘tamiz, Ugarte bilan avvalroq "Aston Villa", "Tottenxem" va "Chelsi" kabi jamoalar bog‘langan. 22 yoshli yarim himoyachi joriy mavsumda chempionatda 30 ta o‘yinda maydonga tushdi.