Лиссабоннинг "Спортинг" клуби ярим ҳимоячиси Мануэль Угарте марказий чизиқни кучайтириш учун "Ливерпуль"нинг қисқа рўйхатига киритилмаган. The Athletic хабарига кўра, мерсисайдликлар уругвайлик ярим ҳимоячини ёзда сотиб олишга уринмайди.
Манбанинг таъкидлашича, "Ливерпуль"нинг ярим ҳимояни кучайтириш бўйича трансфер мақсадлари рўйхатида "Брайтон"дан Алексис Макаллистер, "Челси"дан Мэйсон Маунт, шунингдек, ҳалигача захира варианти сифатида қаралаётган "Бавария"дан Райан Гравенберх каби футболчилар бор.
Эслатиб ўтамиз, Угарте билан аввалроқ "Астон Вилла", "Тоттенхэм" ва "Челси" каби жамоалар боғланган. 22 ёшли ярим ҳимоячи жорий мавсумда чемпионатда 30 та ўйинда майдонга тушди.