"Liverpul" bosh murabbiyi Yurgen Klopp jamoa hujumchisi Kodi Gakpo haqida o‘z fikrlari bilan o‘rtoqlashdi.
“U super futbolchi va aqlli yigit. Men uni atigi 24 yoshda deb o‘ylamaganman, bir soniya ham. U avvalgi klubida sardor edi va bu o‘ziga xos narsa. Va keyin siz bu yigitni uchratasiz va siz: "Oh, yaxshi, endi nima uchun bundayligini tushundim", deysiz. Gakpo tom ma’noda futbol bilan oziqlanadi. Biz unga beradigan har qanday ma’lumotni uning maydonga amalga oshirishi juda tabiiy", - deya Klopp so‘zlaridan iqtibos keltiradi Liverpool Echo.
Murabbiy 24 yoshli futbolchi uch yoki to‘rtta pozisiyada o‘ynay olishini ham ta’kidladi.
“Kodi ilgari o‘ynamagan pozisiyada o‘ynasa ham, undan zavq oladi. U bizga kerak, chunki u uch yoki to‘rtta pozisiyada o‘ynay oladi. Gakpo juda tez moslashadi”, dedi Klopp.
"Liverpul" JCH-2022dan keyin Gakponi PSVdan 37 million funtga sotib olgan. Futbolchi “qizillar” safida 24 ta uchrashuvda 6 ta gol urdi va 3 ta golli uzatmani amalga oshirdi. Shartnoma 2028 yilning yoziga qadar mo‘ljallangan.
