“Napoli” markaziy himoyachisi Kim Min Chje “Manchester Yunayted”ga o‘tishga hozircha rozi bo‘lmadi.
Jurnalist Fabrisio Romanoning so‘zlariga ko‘ra, koreyalik futbolchini "Old Trafford"ga transferi bo‘yicha kelishuv hozircha uzoqda, shu bois futbolchi uchun poyga hali ham ochiq deb hisoblanishi mumkin.
Eslatib o‘tamiz, himoyachiga avvalroq "Manchester Siti" ham qiziqayotgan edi. Yozda Kim Min Chjening "Napoli" bilan shartnomasida, 40 million yevroni tashkil etadigan tovon puli faollashadi. Luchano Spaletti jamoasi futbolchi bilan kelishuvni qayta ko‘rib chiqish orqali ushbu bandni olib tashlamoqchi.
Manbaning ta’kidlashicha, koreyalik futbolchi dekabr oyidan beri "Manchester Yunayted"ning qiziqishlari ro‘yxatidan joy olgan.