Hamma narsa yarim himoyachi Granit Jakaning yozgi transfer oynasida "Arsenal"ni tark etishiga bog‘liq.

Jurnalisti Kris Uitlining ijtimoiy tarmoqlardagi xabariga ko‘ra, 30 yoshli shveysariyalik futbolchi yangi jamoa qidirmoqda. Jaka allaqachon "kanonirlar" bosh murabbiyi Mikel Artetaga klubini o‘zgartirish istagi haqida ma’lum qilgan. Shu bilan birga, Granit endi bor e’tiborini mavsumning so‘nggi o‘yinlariga qaratgan.

"Arsenal"ning joriy mavsumda ikkita o‘yini bor - "Nottingem Forest" (20 may) va "Vulverxempton" (28 may) jamoalariga qarshi.

Eslatib o‘tamiz, Granit Jaka “Arsenal”da 2016 yilning yozidan buyon o‘ynab kelmoqda. Yarim himoyachi klub safida 295 ta o‘yinda maydonga tushib, 21 ta gol urdi va 29 ta golli uzatmani amalga oshirdi.