La Gazzetta dello Sport nashri xabariga ko‘ra, "Inter"ning armanistonlik yarim himoyachisi Genrix Mxitaryanga yetkazilgan jarohatning sababi ma’lum bo‘ldi.
Eslatib o‘tamiz, kecha futbolchi Chempionlar ligasi yarimfinalidan o‘rin olgan "Milan"ga qarshi javob o‘yinida (1:0) jarohat olib, birinchi bo‘limda almashtirilgandi.
O‘yinchining chap sonning paylari cho‘zilgan. "Neradzurrilar" shifokorlari hali ham jarohatning og‘irligini baholay olishmayapti, biroq Mxitaryan shu dam olish kunlari "Napoli"ga qarshi A Seriya 36-turida maydonga tushmasligi aniq.
