"Inter" futbolchisi Denzel Dyumfris "Milan" ustidan qozonilgan g‘alaba va Chempionlar ligasi finaliga chiqqani haqida fikr bildirdi.
"Bu o‘zgacha oqshom, ajoyib tuyg‘ular. Biz hammamiz yaxshi o‘ynadik va g‘alaba qozonishga haqli edik. Bu ikki uchrashuvda biz finalga munosib ekanimizni ko‘rsatdik.
Men uchun finalda favorit bo‘lmaydi, chunki ikkala jamoa ham saralashdan o‘tgan. Biz o‘zimiz haqimizda o‘ylashimiz kerak, chunki biz ajoyib jamoamiz, o‘z so‘zimizni aytishga qodirmiz.
Bu natija klub uchun ko‘p narsani anglatadi. Hozir bizni ajoyib turnir kutib turibdi. Endi Istanbulga g‘alaba qozonish uchun boramiz" - dedi Dyumfris Inter TV bilan suhbatda.
