17 may, chorshanba kuni Chempionship pley-offining yarim final javob o‘yinida “Koventri” safarda “Midlsbro”ni minimal 1:0 hisobida mag‘lub etdi. Shu tariqa jamoa musobaqa finaliga chiqdi.

“Koventri” yarim himoyachisi Gustavo Xamer o‘z hisobiga 57-daqiqada gol yozdirib qo‘ydi.

Jamoalar o‘rtasidagi birinchi uchrashuv golsiz durang bilan yakunlangandi. Shu tariqa, ikki o‘yin yig‘indisiga ko‘ra “Koventri” finalga chiqdi. Angliya Premyer-ligasida ishtirok etish huquqi uchun hal qiluvchi bahsda jamoa “Luton” bilan kuch sinashadi. O‘yin 27 may shanba kuni "Uembli" stadionida bo‘lib o‘tadi. Uchrashuv Toshkent vaqti bilan 20:45 da boshlanadi.

"Midlsbro"ni "Manchester Yunayted" va Angliya terma jamoasining sobiq yarim himoyachisi Maykl Kerrik boshqaradi.

Avvalroq “Byornli” va “Sheffild Yunayted” to‘g‘ridan-to‘g‘ri Premyer-ligaga yo‘l olishgandi.