Frankfurtning “Ayntraxt” klubi himoyachisi Evan Ndika “Roma”ga o‘tishga yaqin turibdi, deya xabar bermoqda jurnalist Nikolo Skira.

Manba bergan xabarga ko‘ra, Rim klubi 23 yoshli fransiyalik futbolchiga 2027 yilning iyun oyi oxirigacha mo‘ljallangan shartnoma taklif qilgan. Futbolchi 2023 yilning yozida erkin agent sifatida hozirgi klubini tark etishi ehtimoli katta.

Avvalroq, futbolchi uchun "Liverpul" va "Barselona" da’vogarlik qilayotgani xabar qilingandi.

2022/23-yilgi mavsumda Ndika “Ayntraxt” safida barcha musobaqalarda 41 ta o‘yinda maydonga tushib, 2 ta gol urdi va 1 ta golli uzatmani amalga oshirdi. Transfermarkt portali himoyachini 32 million yevroga baholamoqda.