Франкфуртнинг “Айнтрахт” клуби ҳимоячиси Эван Ндика “Рома”га ўтишга яқин турибди, дея хабар бермоқда журналист Николо Скира.
Манба берган хабарга кўра, Рим клуби 23 ёшли франциялик футболчига 2027 йилнинг июнь ойи охиригача мўлжалланган шартнома таклиф қилган. Футболчи 2023 йилнинг ёзида эркин агент сифатида ҳозирги клубини тарк этиши эҳтимоли катта.
Аввалроқ, футболчи учун "Ливерпуль" ва "Барселона" даъвогарлик қилаётгани хабар қилинганди.
2022/23-йилги мавсумда Ндика “Айнтрахт” сафида барча мусобақаларда 41 та ўйинда майдонга тушиб, 2 та гол урди ва 1 та голли узатмани амалга оширди. Transfermarkt портали ҳимоячини 32 миллион еврога баҳоламоқда.
